“Air Albania” kthehet në arenë boksi/ Policë të plagosur dhe tifozë të arrestuar, çfarë ndodhi pas ndeshjes Tirana-Zrinjiski

Stadiumi “Air Albania” është kthyer në një arën boksi këtë mbrëmje, pas përfundimit të ndeshjes mes Tiranës dhe Zrinjskit. Kjo pasi, rezultati ka mërzitur tifozët dhe menjëherë pas daljes nga stadiumi ka pasur përleshje mes tifozëve boshnjakë dhe atyre të Tiranës, ndërsa ka ndërhyrë dhe policia

Në pamjet e publikuara duken efektet e përleshjes me karrige dhe sende të shpërndara në terren, ndërsa policia ka nisur shoqërimin e disa prej tifozëve. Si pasojë e përplasjes, disa policë kanë mbetur të plagosur, ndërsa mësohet se është qëlluar me shishe dhe mjete qelqi të marra nga lokale jashtë stadiumit.

Përplasja ka ardhur pas përfundimit të ndeshjes ku Tirana u mposht me shifrat 1 me 0 nga skuadra boshnjake. Në stadium kanë qenë rreth 100 tifozë të skuadrës boshnjake dhe menjëherë pas daljes nga “Air Albania” janë përplasur me tifozët kryeqytetas.