Vetëm pak çaste pas startimit të derbit të kryeqytetit ka ardhur edhe ndërpreja e lojës nga gjyqtari kryesor i takimit Eldorjan Hamiti. Tifozëritë ultras kanë “pushtuar” fushën me flakadanë duke e bërë të pamundur vijimin e ndeshjes për shkak të tymit të krijuar. Kapitenët e skuadrave respektive i kanë bërë apel tifozëve të ruajnë qetësinë dhe të lejojnë që ndeshja të vazhdojë. Pas rreth 5 minutash ndërprerje, ndeshja më në fund rifillon normalisht.
Një episod që duhej shmangur me çdo kusht pasi në këtë përballje në stadium janë prezent disa vëzhgues special nga UEFA për të monitoruar derbin pasi konsiderohet si një ndeshje me rrezikshmëri të lartë. “Air Albania” është përcaktuar për të zhvilluar ndeshjen finale të Konferencë Ligë dhe ngjarje të tilla mund të sjellin pasoja dhe një tërheqje të UEFA-s për veprime të përsëritura ku vetëm disa javë më parë u ndërpre ndeshja Shqipëri-Poloni.
