Një prag sfide që mund të kishte qënë në krahun e kundërt për një nga yjet më të shndritshme të futbollit anglez dhe botëror. Marcus Rashsford është, është sot një nga sulmuesit më të kërkuar në planet. Barcelona, me të cilin do të përballet nesër, u përpoq të firmoste me sulmuesin anglez të Manchester United me lëvizje të ndryshme strategjike nga fundi i vitit 2018 deri në fillim të vitit 2019.
Në atë kohë, ai ishte 21 vjeç dhe pas një viti e gjysmë I përfundonte kontrata me “Red Devils”. Barça po kërkonte një sulmues cilësor, si zëvendësues ideal të Luiz Suarez, i cili në atë kohë do të ishte 32 vjeç. Drejtuesit e klubit kërkonin një sulmues që mund të luante si pykë dhe në krah.
Pep Segura, në atë kohë drejtori i përgjithshëm i futbollit të FC Barcelona, mori informacione në vitin 2018 se sulmuesi anglez kishte dyshime nëse do të rinovonte apo jo kontratën me United, e cila përfundonte në vitin 2020. Barça testoi predispozitën e Rashfordit dhe mori një përgjigje emocionuese: përfaqësuesit e anglezit donin të dëgjonin propozimin. Bisedat janë kryer nga përgjegjësit e sektorit sportiv të katalanasve, me Seguran në krye, me vëllezërit dhe menaxherët e lojtarit.
Janë zhvilluar deri në tri takime në Barcelonë në fillim të vitit 2019. Në atë kohë, Barça analizoi dhe përjashtoi mundësinë e blerjes së Jovicit nga Eintracht Frankfurti, si dhe mori mesazhet e para që Griezmann dëshironte të rinovonte marrëveshjen e tij me Bartomeun.
Megjithatë, opsioni Rashford nuk u braktis sepse ishte shumë tërheqës në nivel sportiv dhe ekonomik. Në fund, si të gjithë e dimë tashmë, sulmuesi anglez nuk e mori guximin për të ndryshuar ambient. Kishte dyshime nëse do të përshtatej me stilin e lojës së Barçës, në një dhomë zhveshjeje plot me “yje”, një kulturë dhe gjuhë tjetër futbolli. Në fund preferoi të qëndronte në “Old Trafford”.
Manchester United, duke kuptuar rrezikun që i vinte nga Barcelona, hapi portofolin dhe i ofroi Rashfordit 280 000 euro në javë për pesë vjet. Domethënë më shumë se 14 milionë euro në sezon. Kush e di si mund të kishte shkuar karriera e Rashford nëse ky i fundit do ishte veshur “Blaugrana”. Një “What-if scenario” shumë interesant, por vetëm kaq.
Discussion about this post