Pas daljes nga shtëpia e “Big Brother Vip”, Donaldi ka pasur një rrugëtim të bukur plot suksese, ku nuk është ndalur në asnjë moment. Ai i është futur botës së muzikës ku ka mbajtur disa koncerte përkrahë vëllait të tij dhe Elgit Dodës.
Ditën e sotme, aktori përmes disa postimeve të bëra në rrjetin e tij social Instagram ka risjellë edhe një herë në vëmendje “sherrin” që pati me Fifin ditët e fundit, ku dyshja kërcënuan publikisht njëri-tjetrin me gjyq.
Megjithatë, nëse ka pasur ndonjë sherr duket se është sqaruar, pasi ata më pas ata postuan video nën shoqërinë e njëri-tjetrit, duke treguar se janë ende miq.
Donald Veshaj ka sjellë këtë situatë përmes një videoje me gjyshërit e tij, ku i pyet në lidhje me këngëtaren dhe u thotë se do të zihet me të.
“Do të zihem me Fifin. Do zihem se nuk e kam qejf, doli do të më hedhë në gjyq se çfarë tha… Do zihem. Po do më hidhte në gjyq, ku di unë. A të zihem apo jo?”.
Nga ana tjetër, gjyshi i tij shprehet se këngëtarja është shkëputur nga Ilir Shaqiri dhe Arjola Demiri për të dhe e ka mbështetur.
“Po ajo bëri edhe emrin tatuazh. Po pse do zihesh? Jo, në asnjë mënyrë. Fifi është shkëputur nga Iliri dhe nga Arjola, nuk flet fare. E lexova në gazetë dje. Ajo të ka dashur me sinqeritet.”
Kujtojmë se, teksa ishte ende brenda shtëpisë së BBV, Donaldi mori një mesazh nga gjyshërit e tij, të cilët nuk shkuan ta takonin në program.
“I dashur nipi jonë Donald, të përshëndesim nga Vlora gjyshërit Bajram dhe Lumturia te duam shumë me ty ndihemi krenarë.”
Discussion about this post