Në emisionin “Të Paekspozuarit”, është diskutuar për hetimin e SPAK ndaj Erion Veliajt, ku ka patur një debat të fortë mes të ftuarve.
Analisti Andi Bushati deklaroi se SPAK merret qëllimisht me veshjet e Ajola Xoxës, për t’u mos u prekur pushteti, në vend që të merrej me kompaninë e vëllait të Erion Veliajt që ka korruptuar gjysmat e mediave.
Sipas tij, shifrën 860 mijë euro e hodhi SPAK-u për blerjet online, por ajo është për Ajola Xoxën, ndërkohë që duhej të fliste për Veliajn.
Ndërkohë, pati përplasje me Klodiana Lalën, e cila përmendi Ardit Gjoklajn, të ndjerin që punonte në landfillin e Sharrës. Lala tha se Ardit Gjoklaj trupi iu copëtua dhe punonte për 250 mijë lekë, ndërsa bashkëshortja e kryebashkiakut mban të brendshme 260 euro.
Pjesë nga debati:
Andi Bushati: SPAK nuk prek nivelin e pushtetit prandaj merret me brekët e Ajolës, nuk merret me vëllain e Veliajt që ka korruptuar gjysmat e mediave të Shqipërisë. Nuk janë rastësi brekët dhe sutjenat e Ajolës.
Pano Soko: Jo për brekët e Ajolës është ajo vetë në ndjekje. Ti Bushat pse e sjell këtë 860 mijë euro? Për atë është zonja Xoxa. Pse nuk e mban regjistrin te tenderat dhe lejet? Rama bëri gjithë luftën që ne të na mbetet në mendje 860 mjë euro, por nuk e dinë se ka 5 ndërtues që kanë dhënë korrupsion 9 herë, as ti nuk e flet këtë, si Rama edhe ti, ndërkohë më hedh 860 mijë euro. Është Xoxa për ato. Unë dua të flas për kryetarin e bashkisë.
Andi Bushati: Mu dha rasti të bëj zëdhënësin e Ramës dhe po them se ti spekulon. Shifrën 860 mijë e hodhi SPAK, tha kemi zbuluar 800 e ca mijë euro brekë dhe fustane të Ajolës. Pra, se çfarë bën SPAK-u e di SPAK, por këtë nuk e ka bërë Edi Rama.
Pano Soko: Atë zgjedh ti dhe Edi Rama për të marrë.
Andi Bushati: Lexojeeeeeeeee!
Pano Soko: Ka 9 vepra penale për korrupsion aty. Ato të Ajolës jepja Ajolës.
Andi Bushati: Lexo komunikatën paraprake.
Ola Xama: Pra mua më ndahet puna do bësh këtë kronikë dhe më kërkohet llogari pse nuk merresh me inceneratorin kur më kanë dhënë çështje tjetër? Ti i kërkon llogari prokurorit të çështjes pse nuk ka hetuar inceneratorin, kur atë e ka tjetër prokuror?
Klodiana Lala: Nëse ajo shumë është e vërtetë dhe ka shpenzuar për mallra luksi 860 milionë lek, Veliajt duhet t’ja hedhim çelsat në det. Është copëtuar trupi i Ardit Gjiklajt duke mbledhur plehra, dhe Bushati e quan normalitet, që Ajola Xoxa të mbajë brekë 260 euro kur Ardit Gjoklaj paguhej 250 mijë lek. Ti lëmë përrallat me brekë se jam shumë e indinjuar. Të diskutojmë në një vend ku nuk ka bukë. Për Ardit Gjoklaj mbyllën gojën dhe të themi ne… nuk më duket fare normale. Nuk dua as incinerator apo 5D, por të rrijë aty në burg edhe për fustanet e gruas.
Discussion about this post