Monopolet janë rreziku më serioz i një ekonomie ende të paformalizuar, dhe që fatkeqësisht bien në kurriz të qytetarëve. Shqipërisë vazhdimisht i bëhet thirrje për të shkrirë monopolet në mënyrë që të rritet konkurrenca, por që deri më tani situata nuk ka ndryshuar, për të mos thënë që është përkeqësuar.
Mungesa e konkurrencës shpesh është listruar tek shkaqet kryesore që pengon përmirësimin e klimës së biznesit.
Institucionet autorizojnë krijimin e monopolit
Në ditët e para të këtij muaj (prill 2023) dy nga kompanitë e tregut të telekomunikacionit ONE dhe ALBtelekom u bashkuan në një të vetme duke bërë që mbi 450 mijë klientë të ALBtelekom ti kalonin kompanisë ONE.
Institucionet shqiptare Autoriteti i Konkurrencës dhe AKEP autorizuan bashkimin e dy kompanive me argumentin se ALBtelekom ishte në vështirësi financiare për t’ju përgjigjur zhvillimeve teknoligjike por nga ana tjetër, nuk u vlerësua rrisku i përqendrimit të tregut, në vetëm 2 kompani. Ky përqendrim i tregut tashmë i dukshëm u lejua nga Konkurrenca me argumentin se njëra nga kompanitë ishte në rrezik financiar.
“Bazuar në analizën e konkurrencës, Komisioni vlerësoi se shoqëria Albtelecom SHA nuk rezulton një konkurrent eficent sipas treguesve ekonomik, ndërkohë që One Telecommunications vlerësohet një konkurrent me mundësi investimi dhe zhvillimi”, thuhej në vendim.
Por ky bashkim do të monitorohej për të mos lejuar abuzimet me pozitat dominuese. Tashmë të dyja kompanitë e bashkuara monitorohen nga shoqërua hungareze 4iG.
Në këtë mënyrë një monopol tjetër u krijua në vend me aprovi të institucioneve shqiptare. Tanimë qytetarët kanë vetëm dy opsione për paketat telefonike, ato që ofron kompania më e madhe në vend tashmë ONE ose ato që ofron Vodafone, që luhaten në të njëjtat ujëra.
One shtrenjton paketat pas bashkimit me ALBtelekom
Menjëherë pas bashkimit të dy kompanive, ONE ka rishikuar paketat për qytetarët si ato me kontratë dhe ato me parapagesë.
Pas një verifikimi të planeve të reja të kësaj kompanie kupton se ofertat janë shtrenjtuar.
Ofertat ditore nga 150 lekë tashmë janë 200 lekë, me vetëm 1 GB, pa minuta dhe mesazhe në dispozicion.
Për të kaluar tek paketat UNLIMITED, në dukje pa limite, por në fakt me kosto më të larta se më parë.
Të gjitha paketat ONE UNLIMITED janë shtrenjtuar me 100+200 lekë këtë vit. Duke krahasuar të dhënat e bëra publike nga AKEP për paketat me tarifat aktuale kupton se paketat me parapagesë tashmë janë shtrenjtuar.
Rritje kanë pësuar edhe programet me kontrata deri në 400 leke. Kjo rritje i ka kapur në befasi qytetarët.
TRIFAT E VJETRA
TARIFAT AKTUALE
“Prej 3 vitesh kisha kontratë me ONE, 1300 lekë në muaj. Afati i saj përfundoi dhe sot kontrata që përfitoja ishte 1800 lekë në muaj me argumentin se njësitë ishn pa limit. Janë cmime të papërballueshme”, pohon një klient i ONE për Gijotina.
Ndërkohë ONE nuk është as transparent me tarifat që të ofron.
Paketa Unlimited Beats+ me vlerë 1600 lekë, në fakt nuk ka as internet pa limit, dhe as minuta e sms pa limit siç thuhet në program. Në të vërtet nga kjo paketë përfiton 3000 minuta, 300 sms dhe 23 giga.
Ndërsa në dyqanet e ONE për të ‘justifikuar’ rritjen e tarifave, të thonë që këto janë tashmë ofertat standarde pasi ato të mëparshmet ishin promocionale. Tashmë duhet pritur që pas dy vitesh të konstatojë nëse ka pasur rritje tarifash, nëse është abuzuar me pozitat dominuese apo jo.
Problemi në një situatë të tillë qytetarët nuk kanë shumë opsione zgjedhje pasi paketat e VODAFONE që është operatori tjetër i telefonisë celulare janë thuajse të njëjtat me ndryshime 100-200 lekë.
Dyshimet se me paketat dhe ofertat ka abuzime nga operatorwt kanw nisur vite mw parw, ku në vitin 2020, Autoriteti nisi një hetim të detajuar pwr tw parw sjelljen e operatorwve (Vodafone, One dhe ALBtelecom) pwr paketat e reja por Autoriteti doli nw konkluzion se nuk ka pasur abuzime. Por autoriteti i Konkurrencës doli në këtë konkluzion pa bërë një analizë krahasuese për ndryshimet e kryera në paketat standarde nga tre operatorë celularë.
Lexo edhe:Rritja e çmimit të patentës, “Konkurrenca” ndalon marrëveshjen
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post