Qeveria “Rama 3” mesa duket ka vendosur që këtë mandat t’i kushtojë një rëndësi të madhe barinjve. Pas deklaratës për hapjen e Akademisë së barinjve, këtë herë, ministrja Frida krifca ka deklaruar se do të dërgojnë panele diellore në stane.
Këtë nismë Krifca tha se e ka ndërmarrë që në 2018 kur ishte drejtoreshë e AZHBR dhe do të vijojnë ta mbështesin për t’iu lehtësuar jetën profesionistëve në këtë fushë.
“Që në periudhën si drejtoreshë e AZHBR jam konsuluar me bujqësori dhe ne donatorë, Gizi ka qenë një partner ne kemi filluar që në 2018 të mbështesim stanet me infrastrukturën e nevojshme dhe me panele diellore që të lehtësojmë jetën e këtyre profesionistëve në fushën e vetë dhe është një program që do të vazhdojmë ta përforcojmë pikërisht për të ruajtur traditën në fusha të tilla. Kjo nuk është vetëm e shprehur në blegtori dhe në zanatin e barinjve por edhe në zanate të tjera të fermerëve të rinj që i bashkohen trupës së bujqësisë, do kemi mundësi në vijim të shpalosim programin më tutje”, tha Krifca.
Më herët, ministrja tha në Komision se deklarata e saj për akademinë ishte keqkuptuar, dhe se eksperienca të tilla i ka parë në Zvicër e Spanjë.
Discussion about this post