Akademia e barinjve e cila u bë me dije nga ministrja Krifca shkaktoi reagime të shumta. Në lidhje me deklaratën e saj foli në Kuvend edhe kryeministri Edi Rama.
Gjatë seancës së kësaj të hëne ai justifikoi ministren e tij, duke thënë se në vendet e tjera kjo është diçka krejt normale.
Rama ka sulmuar deputetët e opozitës për reagimin e bërë në lidhje me këtë temë.
‘Akademitë e Barinjve, Akademitë e peshkatarëve janë në të gjithë botën. Nuk është në kuptimin që ju keni. Janë hapësira që ju ofrohen të gjitha kategorive të njerëzve që punojnë në sektorë të ndryshëm dhe që informohen dhe azhornohen për tu adoptuar me kohën e re. Mos qeshni me vete. Flet vetë qesh vet e keni si linjë parti ju”, tha Rama.
Ndër të tjera Rama mori si shembull veten, duke e quajtur thjesht një piktor. Gjithashtu ai u shpreh se ata nuk janë të djathtë, madje nuk kanë asnjë lidhje me të.
“Që të kalojmë prapë te kjo akademia e vogël që po zhvilloj unë me këtu. Unë jam thjesht një piktor, dëgjoj dhe mësoj. Edhe shkarravis. S’ka asnjë problem, ca problemi kemi me shkarravinën, ti duhet të shqetësohesh për imazhin e shkarravinës që i jep publikut. Mos u shqetëso për shkarravinën, por njerëzit duhet të shqetësohen për formën e shkarravinës që marrin kur flasin. I thoni vetes të djathtë për inerci, por s’keni lidhje fare” përfundoi kryeministri.
Discussion about this post