Siç e themi shpesh, asgjë nuk e ka fuqinë që t’i japë një tjetër pamje veshjeve aq sa e kanë aksesorët. Aksesorët mund ta bëjnë një veshje të zakonshme, pse jo edhe mërzitshme, të duket shumë më mirë se një kombinim për të cilin keni menduar me orë e orë të tëra.
Aksesori ynë i preferuar i momentit është varësja-zinxhir në ngjyrë ari.
Kjo varëse, e famshme në vitet ’80, u rikthye sërish në pasarelat e modës dhe duket se ka gjasa të qëndrojë për pak kohë. Vargjet e zinxhirëve duken bukur me bluzat me jakë të mbyllur, xhaketat dhe (sidomos) këmishat e bardha.
Hidhuni një sy disa ilustrimeve për të krijuar një ide se si ta kombinoni.
