Pas atij të Malësisë së Madhe, Agjensia Kombëtare e Mjedisit ka gjobitur një tjetër kryetar bashkie për mosmeanxhimin e mbetjeve, të cilat hidhen në mënyrë të paligjshme nëpër zona të ndryshme. Kryetari i Bashkisë Poliçan, Adriatik Zotkaj, bëhet i dyti kryetar bashkie, i cili është gjobituar nga AKM, që ndëshkohet për keqmenaxhimin e mbetjeve. Prej fillimit të muajit nëntor në të gjithë territorin vazhdon Plani i Pastrimit Kombëtar, në koordinim me prefektët e qarqeve dhe të gjitha institucionet qendrore dhe vendore.
Në të gjitha takimet e hapura të organizuara me kryetarët e bashkive, Kryeministri Rama dhe Ministrja e Turizmit dhe Mjedisit Mirela Kumbaro kanë kërkuar që bashkitë të buxhetojnë me prioritet pastrimin e territorit, pasi në të kundërt nuk do t’u miratohen buxhetet për vitin 2022, ndërsa mbetjet do të depozitohen vetëm në pikat fundore të licensuara.
Discussion about this post