West Ham është shumë afër nënshkrimit me portierin e Paris Saint-Germain, Alphonse Areola për një huazim sezonal, me synimin më pas për një marrëveshje të përhershme.
Hammers kishin një ofertë për lojtarin e West Brom të Anglisë, Sam Johnstone, propozim i cili u refuzua në fillim të këtij muaji raporton BBC Sport.
Ata janë të prirur për t’i krijuar konkurrencë Lukasz Fabianski, përpara fillimit të ndeshjeve të tyre në Europa League.
Areola, 28 vjeç, e kaloi sezonin e kaluar në huazim te Fulham, ku fitoi çmimin lojtari i vitit i tifozëve.
Francezi, i cili ishte gjithmonë në krye të listës së dëshiruar të trajnerit David Moyes, ka qenë me PSG që nga viti 2010.
Megjithatë Areola i ka kaluar dy sezonet e fundit në huazim, pasi më parë ka qenë në Real Madrid si rezervë e Thibaut Courtois para kalimit te Fulham./Gijotina.com
