Shkon në tre numri i viktimave nga aksidenti i rëndë rrugor i ndodhur në aksin Drashovicë–Kotë mbrëmjen e kaluar.
Fillimisht, dy persona humbën jetën në vendngjarje, ndërsa një pasagjer u transportua me urgjencë në spitalin e Vlorës në gjendje kritike.
Raportohet se si pasojë e përplasjes së fortë, të dy drejtuesit e mjeteve kanë humbur jetën në vendngjarje.
Viktimat janë Adi Alushaj, rreth të 30-ave dhe Esat Brahimaj, rreth të 40-ave.
Ndërkohë, pasagjeri në një prej automjeteve, 40-vjeçari Andrea Begaj, u nxor nga mjeti në gjendje kritike dhe u transportua me urgjencë drejt spitalit, por nuk arriti t’u mbijetojë plagëve dhe ndërroi jetë disa orë më pas.
Nga hetimet paraprake, dyshohet se shkaku kryesor i aksidentit ka qenë shpejtësia tej normave të lejuara, ndërsa autoritetet vijojnë punën për zbardhjen e plotë të rrethanave të ngjarjes.
Ky aksident i rëndë i shtohet bilancit tragjik të ngjarjeve rrugore në vend, duke rikthyer edhe një herë në vëmendje rëndësinë e respektimit të rregullave të qarkullimit rrugor.










Discussion about this post