Një aksident automobilistik është regjistruar mëngjesin e kësaj të enjteje në autostradën Fier-Lushnjë, pranë fshatit Kolonjë.
Sipas informacioneve paraprake, një automjet tip “Audi”, që po udhëtonte në drejtim të Lushnjës, ka humbur kontrollin dhe ka dalë nga rruga.
Mjeti ka përfunduar në nënkalimin që lidh aksin kryesor me zonën e Kolonjës, duke pësuar dëme të konsiderueshme materiale.
Si pasojë e aksidentit, drejtuesi i automjetit ka mbetur i lënduar lehtë.
Ai është transportuar në Spitalin e Lushnjës, ku po merr ndihmën mjekësore dhe ndodhet jashtë rrezikut për jetën.
Dyshimet e para janë se aksidenti është shkaktuar nga një manovër e gabuar e shoferit.
Policia ka nisur hetimet, ndërsa ekspertiza teknike pritet të zbardhë rrethanat e plota të ngjarjes.
Discussion about this post