Aksident në Bulqizë! Makina del nga rruga dhe përfundon në humnerë, humb jetën shoferi

Një aksident i rëndë është regjistruar në aksin rrugor Bulqizë-Luçan, në Njësinë Administrative Martanesh.

Sipas informacioneve paraprake, një automjet fuoristradë ka dalë nga rruga dhe ka përfunduar në një humnerë.

Si pasojë ka humbur jetën një person. Në vendngjarje kanë mbërritur shërbimet e emergjencës dhe policia, ndërsa vijojnë veprimet për nxjerrjen e personit dhe zbardhjen e rrethanave të aksidentit.

Aksi rrugor përdoret për transportin e minatorëve drejt galerive të minierave në zonë.

“Rreth orës 11:45, në aksin rrugor Bulqizë–Krastë, shtetasi A. B., duke drejtuar automjetin e tij, dyshohet se ka humbur kontrollin mbi drejtimin e automjetit, i cili ka dalë nga rruga.

Si pasojë, shtetasi A. B. ka humbur jetën.

Grupi hetimor vijon punën për përcaktimin e saktë të rrethanave dhe shkakut të aksidentit“, thuhet në njoftimin e policisë.