Një person ka vdekur dhe një tjetër ka marrë lëndime të rënda trupore si pasojë e aksidenti, të ndodhur sot rreth orës 06:10 në autostradën “Ibrahim Rugova” , në Kosovë.
Lajmin e ka konfirmuar edhe zëdhënësi i Policisë së Kosovës, Baki Kelani.
Sipas tij, në vendin e ngjarjes kanë dalë patrulla policore, njësia e hetimeve si dhe kompania për mirëmbajtjen e rrugës.
“Aksident komunikacioni me fatalitet. Më datën 02.09.2023 rreth orës 06:10, në autostradën Ibrahim Rugova në km 24, drejtimi i Vërmicës, ka ndodhur një vet- aksident me lëndime trupore.
Një automjet ‘Suzuki’ me targa lokale me drejtues mashkull kosovar, dyshohet se ka humbur drejtimin dhe është rrokullisur në rrugë, me ç ‘rast lëndime trupore kanë pësuar dy persona, njëri prej të cilëve më vonë ka ndërruar jetë.
Në vendin e ngjarjes kanë dalë patrulla policore, njësia e hetimeve, kompania për mirëmbajtjen e rrugës”, ka thënë Kelani.
Discussion about this post