Një ngjarje tragjike është regjistruar në fshatin Kafaraj të Fierit, ku një i moshuar ka humbur jetën pasi ka rënë në një kanal gjatë kohës që po udhëtonte me biçikletë.
Sipas informacionit zyrtar të policisë, viktima është shtetasi F. T., 81 vjeç, i cili dyshohet se ka humbur kontrollin mbi biçikletën që po drejtonte, duke përfunduar në kanal dhe fatkeqësisht duke gjetur vdekjen.
“Specialistët për Hetimin e Krimeve të Komisariatit të Policisë Fier referuan materialet në Prokurori për vlerësim, pasi ditën e djeshme, në fshatin Kafaraj, shtetasi F. T., 81 vjeç, dyshohet se duke drejtuar biçikletën, ka rënë në një kanal dhe për pasojë ka humbur jetën”, thuhet në njoftimin e Policisë së Shtetit.
Grupi hetimor po punon për të sqaruar plotësisht rrethanat e ngjarjes.
Discussion about this post