Aksident fatal në Fushë-Krujë, humb jetën e moshuara

Një aksident me pasojë vdekjen ka ndodhur mëngjesin e sotëm në Fushë Krujë, ku ka humbur jetën një e moshuar.

Aksidenti ka ndodhur pranë një marketi, në aksin Fushë Krujë- Tiranë, ku e moshuara ka hedhur rrugën nga njëra anë në tjetrën, duke u përplasur nga mjeti.

Ajo ka ndërruar jetë menjëherë në vendin e aksidentit.

Policia ka mbërritur në vendin e ngjarjes, dhe po punohet për identifikimin e viktimës dhe zbardhjen e rrethanave të aksidentit.

Aksi Fushë Krujë-Tiranë mbetet një nga më problematikët sa i takon numrit të aksidenteve, dhe veçanërisht atyre me pasoja për jetën.