Aksident fatal në Greqi, vdes greku dhe plagoset shqiptari

Një 22-vjeçar nga Larisa ka ndërruar jetë tragjikisht sot paraditen e së dielës në prag të Krishtlindjeve.

Sipas burimeve, ngjarja ka ndodhur rreth orës 9 të mëngjesit, në kilometrin e 5 të aksit Larisa – Elassona, kur dy makina janë përplasur kokë më kokë në rrethana që po hetohen nga Policia Rrugore.

Nga ashpërsia e përplasjes humbi jetën një i ri, drejtuesi i mjetit “Smart”, ndërsa 25-vjeçari i plagosur në mjetin e dytë, me origjinë shqiptare, u dërgua në Spitalin e Përgjithshëm të Larisas nga ambulanca e EKAB.

Policia ka qenë në vendngjarje për rregullimin e qarkullimit, por edhe Zjarrfikësit për të larë sipërfaqen e rrugës.