Një aksident i rëndë ka ndodhur ditën e sotme në Kamëz, ku një automjet ka përplasur dy këmbësore, pasi drejtuesi ka humbur kontrollin mbi drejtimin e mjetit.
Si pasojë e përplasjes ka humbur jetën një 46-vjeçare.
Policia bën me dije se në rrugën “Nënë Tereza”, shtetasi B. K., duke drejtuar automjetin dyshohet se ka humbur kontrollin mbi drejtimin e tij dhe është përplasur me automjetin me drejtues shtetasin E. K., dhe më pas me shtetaset F. M., 46 vjeçe, dhe Xh. M., 20 vjeçe (këmbësore).
Si pasojë e dëmtimeve të marra nga aksidenti shtetasja F. M., ka ndërruar jetë në spital, ndërsa shtetasja Xh. M., ndodhet nën kujdesin e mjekëve.
Grupi hetimor po punon për sqarimin e rrethanave të aksidentit.
Discussion about this post