Një tjetër aksident i rëndë është shënuar paraditen e kësaj të shtune në Devoll. Burime për gijotina.com bëjnë me dije se ngjarja ka ndodhur rreth orës 09:15, jemi njoftuar se në rrugën që lidh fshatin Tren, me aksin rrugor Korçë-Kapshticë.
Të njëjtat burime bëjnë me dije se, kanë dalë nga rruga dhe janë rrëzuar në kanal, mjeti fugon tip “Benz” dhe mjeti tip “Audi”, me shoferin e identifikuar me iniciale Ç. Ç., banues në fshatin Barç, Korçë.
Për pasojë, kanë marrë lëndime të lehta 4 pasagjerë të mjetit tip “Audi”, përkatësisht të identifikuar si M. H; Sh. M; K. H. dhe Xh. Sh., të cilët u dërguan për mjekim në Spitalin e Bilishtit.
Paraprakisht shkak i aksidentit dyshohet se është bërë, shpejtësia përtej normave të lejuara, ndërsa policia nuk ka qenë në patrullim.
Sakaq, grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post