Pasditen e kësaj të premteje është shënuar një tjetër aksident i frikshëm në Pogradec. Ngjarja ka ndodhur pranë fshatit Piskupat, në aksin Pogrdec-Lin. Siç shihet edhe nga pamjet e siguruara nga gijotina.com një fugon mallrash është përplasur në pjesën e pasme të një kamioni. Përplasja ka qenë shumë e fortë e për pasojë, pjesa para fugonit është shkatërruar plotësisht. Ndërsa fatmirësisht drejtuesi i mjetit ka shpëtuar me disa dëmtime të lehta.
Policia në vendngjarje. Kujtojmë se gjatë kësaj jave janë shënuar dhjetëra aksidente të rënda rrugore, me disa viktima dhe të plagosur.
Më të fundit, përmendim atë të Beratit ku u aksidentua rëndë një 47- vjeçare. Në pranga ka rënë drejtuesi i mjetit 23- vjeçar i cili ishte duke udhëtuar me shpejtësi përtej normave dhe pa patentë.
