Një aksident i rëndë është shënuar mesditën e sotme te “Rruga e Arbrit”. Burime bëjnë me dije se një grua, rreth moshës 40 vjeç është plagosur dhe ndodhet në gjendje të rëndë për jetën.
40-vjeçarja po udhëtonte me mjetin e saj në momentin që ka humbur kontrollin dhe është përplasur me barrierat anësore të këtij aksi, në fshatin Shkallë. Drejtuesja e mjetit është transportuar drejt spitalit të traumës në Tiranë. Ajo ndodhet në gjendje të rëndë shëndetësore.
Paraprakisht dyshohet se shkak është bërë shpejtësia përtej normave të lejuara ndërsa policia nuk ka qenë në patrullim. Grupi hetimor ndodhet në vendin e ngjarjes për të zbardhur rrethanat e aksidentit.
Discussion about this post