Dhjetë persona janë lënduar si pasojë e një aksidenti fatal mes pesë automjeteve në fshatin Abri e Epërme, në vendin e quajtur Garrapole të Drenasit.
Lajmin e ka bërë të ditur zëdhënësi i policisë për rajonin e Prishtinës, Agron Borovci. Ai ka bërë me dije se të lënduarit janë dërguar menjëherë për trajtim mjekësor në spital.
“Deri më tani bëhet e ditur se në aksident janë përfshirë pesë automjete dhe për pasojë dhjetë persona kanë pësuar lëndime trupore dhe të njëjtit janë dërguar për trajtim mjekësor, përderisa janë shkaktuar dhe dëme materiale”.
Së fundmi, nga ky aksident mësohet se kanë humbur jetën, një grua dhe një fëmijë 7-vjeçar. Po ashtu tre persona të tjerë mbetën të lënduar. Për shkak të kushteve atmosferike apelohet nga shoferët të kenë kujdes në përshtatjen e shpejtësisë në rrugë.
Discussion about this post