Një aksident i rëndë ka ndodhur pas mesnate në aksin Vorë-Fushë Krujë në afërsi të fshatit Hasan.
Një autoveturë tip ‘Benz’ e cila drejtohej nga Indrit Mahmuti 23 vjeç ka dalë nga rruga dhe është përplasur me mbrojtëset metalike të rrugës të cilat e kanë ndarë thuajsë në dysh autoveturën.
Për të nxjerrë të plagosurit është ndërhyrë me mjetin zjarrfikës për shkak të përplasjes së fortë.
Tre të rinjtë janë dërguar me urgjencë në Spitalin e Traumës në gjendje të rendë.
Shkak i aksidentit është bërë shpejtësia e madhe me të cilin po udhëtonte mjeti. Për të nxjerrë të riun nga mjeti është dashur ndërhyrja e zjarrfikësve.
Discussion about this post