Një person ka vdekur dhe dy të tjerë janë lënduar si pasojë e një aksidenti të ndodhur mëngjesin e sotëm në dalje të fshatit Zhur në drejtim të Prizrenit. Aksidenti ka ndodhur mes një kamioni dhe një veture, ku viktima e aksidentit është pasagjeri i veturës.
Lajmin e ka konfirmuar udhëheqësi i zyrës së operatives në policinë e trafikut në Prizren, Azem Baraliu. Ai tha se të lënduarit janë dërguar për trajtim mjekësor në Spitalin e Prizrenit, ndërsa njëri është nisur për në Prishtinë, si pasojë e lëndimeve të rënda trupore.
“Aksidenti ka ndodhur në dalje të fshatit Zhur në drejtim të Prizrenit. Ka ndodhur mes një kamioni dhe një automjeti civil edhe si pasojë ka vdekur një person, dy janë lënduar, janë dërgu në Prizren dhe njëri dyshohet se është dërguar në drejtim të Prishtinës. Pasagjeri që ishte në veturë ka vdekur”, tha Baraliu.
Në vendngjarje kanë shkuar forca policore si dhe prokurori i shtetit për të hetuar rrethanat dhe shkaqet e ngjarjes.
Discussion about this post