Aksident i rëndë, makina përfundon në përrua. Plagosen 3 të mitur

Tre të mitur të moshës 13-14 vjeç janë aksidentuar në aksin rrugor Stjar – Bajkaj, në Sarandë.

Sipas raportimeve, ato ishin duke udhëtuar me një automjet tip Benz, kur kanë dalë nga rruga dhe kanë përfunduar në një përrua.

Menjëherë kanë shkuar në vend ambulancat e Sarandës dhe 3 të miturit janë transportuar në urgjencën e Sarandës.

Të plagusorit janë identifikuar si A.D 14 vjeç, F.H 13 vjeç dhe E.K 14 vjeç. Nga raportimet mësohet se 14 vjeçari A.D është në gjendje shumë të rëndë. Sipas bluzave të bardha, ai është i intubuar ndërsa dyshohet për goditje të rëndë në kokë.

Policia ndodhet në vendngjarje.

Njoftimi nga Policia

Sarandë/Informacion paraprak

Rreth orës 19:25, në afërsi të fshatit Bajkaj, Delvinë, dyshohet se një shtetas i mitur, duke drejtuar një automjet tip “Benz”, ka humbur kontrollin mbi drejtimin e tij dhe automjeti ka dalë nga rruga.

Si pasojë e aksidentit janë dëmtuar shtetasi që dyshohet se drejtonte automjetin dhe 2 shtetas të tjerë të mitur që udhëtonin në automjet (të moshave 13-15 vjeç), të cilët janë transportuar në spital dhe ndodhen në kujdesin e mjekëve.

Policia ka bllokuar automjetin, i cili dyshohet se është në pronësi të babait të njërit prej shtetasve të mitur.

Grupi hetimor po punon për sqarimin e rrethanave të aksidentit.