Aksident i rëndë/ Makina përplas katër këmbësorë te Mensa e Studentëve

Një aksident është regjistruar në orët e pasdites përballë Mensës së Studentëve në Prishtinë.

Zëdhënësi i policisë së Kosovës për Rajonin e Prishtinës, Agron Borovci ka treguar se aksidenti ka ndodhur rreth orës 16:00 në rrugën “Afrim Zhitia” në Prishtinë.

“Nga informatat e para bëhet e ditur se në aksident janë përfshirë një makinë dhe katër këmbësorë. Për pasojë, katër persona, kanë pësuar lëndime trupore dhe të njëjtit janë dërguar për trajtim mjekësor në QKUK”, ka njoftuar Borovci.

Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti.​