Aksident i rëndë, makina përplas për vdekje 50-vjeçarin me biçikletë

Një aksident fatal ka ndodhur në Shkozet, ku një makinë ka përplasur për vdekje një 50-vjeçar.

Ky i fundit po lëvizte me biçikletë në Unazën e Shkozetit.

NJOFTIMI I POLICISE:

Në orët e para të mëngjesit të sotëm, në unazën e Shkozetit, automjeti që drejtonte shtetasi A. G., 32 vjeç, ka përplasur një shtetas rreth 50 vjeç, ende të paidentifikuar, që lëvizte me biçikletë, i cili si pasojë e përplasjes, ka humbur jetën.

Ndërkaq, drejtuesi i automjetit është shoqëruar në ambientet e Komisariatit, për kryerjen e veprimeve të mëtejshme procedurale.

Grupi hetimor po punon për sqarimin e rrethanave të aksidentit, si dhe për identifikimin e shtetasit që humbi jetën.