Një tjetër aksident i rëndë është shënuar pasditen e sotme në Ersekë. Burime nga policia bëjnë me dije se ngjarja ka ndodhur rreth orës 14:30, në aksin rrugor Ersekë-Leskovik, në afërsi të fshatit Taç, Kolonjë.
Të njëjtat burime bëjnë me dije se shoferi i identifikuar me iniciale E. L., 21 vjeç, banues në Korçë, duke drejtuar mjetin tip “Benz”, dyshohet se ka humbur kontrollin e mjetit dhe ka dalë nga rruga. Për pasojë, janë dëmtuar katër pasagjerët e këtij mjeti konkretisht personat e identifikuar me iniciale R. Q; D. M; dhe F. H., të cilët u transportuan për mjekim në Spitalin e Ersekës dhe A. B., i cili ndodhet nën kujdesin e mjekëve në Spitalin e Korçës.
Paraprakisht dyshohet se shkak është bërë shpejtësia përtej normave të lejuara, manovrat e shpejtësisë dhe parakalimet e gabuara.
Ndërsa, drejtuesi i mjetit, pas kryerjes së testit të alkoolit, rezultoi se drejtonte mjetin në gjendje të dehur dhe u shoqërua në Komisariat për veprime të mëtejshme procedurale.
Gijotina.com raporton se bilanci i aksidenteve vijon të rritet.
Discussion about this post