Aksident i rëndë në aksin Korçë-Maliq, 3 të plagosur

Një aksident me 3 të plagosur është shënuar në aksin rrugor Korçë-Maliq. Ngjarja ka ndodhur në afërsi të kryqëzimit të fshatit Bulgarec.

Sipas policisë së qarkullimit rrugor një mjet tip veturë, ka dalë papritur nga një rrugë dytësore në aksin nacional. Një mjet i tonazhit të rëndë që po lëvizte nga Korça në drejtim të Maliqit për të shmangur përplasjen ka devijuar në krahun tjetër të rrugës, duke sjellë përplasjen me një mjet tjetër.

Nga përplasja të dy mjetet kanë përfunduar në kanal duke shkaktuar 3 të plagosur.

Policia po punon për zbardhjen e plotë të rrethanave të këtij aksidenti.

Të plagosurit janë aktualisht në spitalin e Korçës aty dhe ku po marrin ndihmën mjekësore.