Një aksident i rëndë ka ndodhur pasditen e sotme në aksin e vjetër Lezhë- Milot. Drejtuesi me inicialet P.Gj, 38 vjeç, ka humbur kontrollin e mjetit duke u përplasur me murin rrethues të një banese në fshatin Manati të Lezhës.
Si pasojë e përplasjes ka humbur jetën drejtuesi i mjetit dhe ka marrë dëmtime dhe është transportuar në spitalin Rajonal Lezhë personi N.Gj, 27 vjeç, i cili ndodhej pasagjer në këtë mjet.
Policia ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
