Aksident i rëndë në aksin Lezhë-Shëngjin me tre persona të plagosur, dy në gjendje të rëndë

Një aksident i rëndë është shënuar pasditen e sotme në aksin rrugor Lezhë-Shëngjin.

Sipas informacioneve paraprake,  dy makina janë përplasur kokë më kokë dhe për pasojë kanë mbetur të lënduar 3 persona,  dy prej tyre në gjendje të rëndë.

Të plagosurit janë dërguar me urgjencë në spitalin e Lezhës.

Paraprakisht dyshohet se automjeti tip Mitsubishi ka qenë duke dalë në rrugë, ndërsa mjeti tip Golf ka qenë në parakalim, çka ka sjellë në përplasjen e fortë mes dy makinave.

Në vendngjarje ka mbëritur edhe policia, e cila po heton mbi shkaqet e këtij aksidenti.