Aksident i rëndë në aksin Lezhë-Shkodër/ Përplasen dy automjete, raportohet për një viktimë

Një aksident i rëndë ka ndodhur ditën e sotme në Lezhë, në fshatin Balldre ku një person ka humbur jetën.

Dy makina janë përplasur dhe për pasojë ka humbur jetën një person teksa raportohet edhe për të plagosur.

Burimet bëjnë të ditur se Gazmir Zhuka ka ndërruar jetë si pasojë e përplasjes së dy makinave, ku kanë mbetur të plagosur edhe disa persona të tjerë.

Sipas burimeve shoferi shqiptar ishte oficer i policisë kufitare jashtë orarit të shërbimit.

Ai ka mbetur i bllokuar në makinë, e cila është prerë për t’i nxjerrë trupin dhe është transportuar në spitalin rajonal të Lezhës për të marrë ndihmë mjekësore, por nuk ka mundur të mbijetojë.

Policia ka nisur punën për zbardhjen e rrethanave të këtij aksidenti.