Një aksident tragjik është shënuar gjatë orëve të darkës në autostradën pranë TEG në Tiranë. Mësohet se ngjarja ka ndodhur konkretisht në afërsi të xhamisë në Farkë, ndërsa paraprakisht dyshohet se si pasojë e aksidentit ka humbur jetën një person.
Siç shihet edhe në videon nga JOQ, makina është zhvendosur në anë të rrugës ku shihet se pjesa e përparme është shkatërruar plotësisht. Në vendin e ngjarjes ka mbërritur policia dhe ambulanca.
Nuk dihet ende identiteti i personit që dyshohet se ka humbur jetën si pasojë e aksidentit rrugor. Ndërsa paraprakisht dyshohet se shkak është bërë shpejtësia përtej normave të lejuara, mosrespektimi i sinjalistikave rrugore ose parakalim i gabuar. Pritet që policia të dalë me një njoftim zyrtar për të zbardhur detaje nga rrethanat e aksidentit.
Discussion about this post