Një tjetër aksident i rëndë është shënuar pasditen e sotme në Berat. Burime bëjnë me dije se ngjarja ka ndodhur në vendin e quajtur “Ura e Hanit” ,në fshatin Otllak.
Dy mjete që udhëtonin në të njëjtin sens janë goditur më njëri-tjetrin. Mësohet se mjeti, tip Mitsubishi me targa AB 206 FA ka qenë duke u kthyer në rrugën e fshatit Otllak kur është goditur nga para nga mjeti tip Ford Fokus, me targa AB 493 CA, ku udhëtonin dy bashkëshortët Qazim dhe Edlira Çallmari dhe fëmija i tyre 9-vjeçar.
Si pasojë 3 aksidentit janë plagosur nënë e bir, Edlira dhe Stivi Çallmari, të cilët janë transportuar drejt Spitalit Rajonal të Beratit, ku ndodhen nën kujdesin e mjekëve, pasi kanë marrë disa goditje në trup e kokë. Dy drejtuesit e mjeteve, Qazim Çallmori dhe Ali Bendo nuk kanë pësuar dëmtime, ndërkohë që në vendngjarje kanë shkuar efektivë të shumtë të policisë rrugore dhe ekspertë, që pas kryerjes së vendit do të përcaktojnë edhe shkaqet e aksidentit. Sipas burimeve të para nga vendgjarja, mësohet se shkak i aksidentit ka qenë mjeti tip Ford Fokus, në cilin udhëtonte familja Çallmori. Mësohet se mjeti ka qenë me shpejtësi dhe ka goditur nga prapa mjetin Mirsubishi.
Discussion about this post