Një aksident i rëndë ka ndodhur këtë të enjte pranë zonës së njohur si Shkëmbi i Kavajës në Durrës.
Një autoambulancë ka humbur kontrollin pasi është përplasur me një tjetër automjet dhe është përmbysur në mes të rrugës.
Mësohet se ambulanca vinte nga Berati dhe brenda ndodhej një grua 64-vjeçare, e cila po transportohej për ndihmë mjekësore. Ajo ishte e shoqëruar nga burri i saj dhe një infermiere, por udhëtimi i tyre urgjent mori një kthesë të papritur.
Paraprakisht deklarohet se të tre kanë marrë dëmtime, por jashtë rrezikut për jetën, ndërsa policia rrugore po heton për rrethanat e aksidentit që shkaktoi trafik të rënduar në aksin Kavajë-Plepa, duke bllokuar dhe një autokolonë me mjete ushtarake që lëvizte në rrugë.
Ndërsa shoferi i ambulancës ka shpëtuar pa lëndime.
Grupi hetimor ndodhet në vendngjarje dhe po punon për zbardhjen e shkaqeve të aksidentit.
Discussion about this post