Një aksident i rëndë ka ndodhur në Durrës, në vendin e njohur si Maozeleumi Dëshmorët e Kombit.
Mësohet se nga ky aksident është plagosur një efektiv i policisë rrugore i cili po menaxhonte qarkullimin në zonë.
Efektivi mësohet se është përplasur nga një automjet. Nga raportimet e deritanishme efektivi është dëmtuar në njerën këmbë dhe është dërguar në spital.
Durrës/Informacion paraprak
Rreth orës 19:45, në lagjen nr. 9 Durrës, automjeti me drejtues shtetasin R. A, është përfshirë në një aksident me këmbësorin, shtetasin G. H, (punonjës policie) i cili është në spital, në kujdesin e mjekëve.
Drejtuesi i automjetit shtetasi R. A, është shoqëruar në Komisariatin e Policisë Durrës, për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post