Një aksident i pesëfishtë është regjistruar mëngjesin e sotëm në qytetin e Durrësit, konkretisht tek zona e Currilave.
Një automjet me targa italiane, dyshohet se pranë një kthese është përplasur me automjetet që vinin përballë, duke shkaktuar një aksident me 4 automjete të tjera. Fatmirësisht nuk ka pasur persona të lënduar nga aksidenti, por ka dëme materiale të shumta tek të gjitha makinat.
Drejtuesit e mjeteve janë shoqëruar në komisariat, ndërsa grupi hetimor ndodhet në vendngjarje e po sqaron shkaqet e këtij aksidenti.
Siç duket dhe nga fotoja në vendin e ngjarjes, bëhet me dije për një aksident të rëndë ku automjetet janë shkatërruar.
