Një tjetër aksident i rëndë është shënuar mbrëmjen e kësaj të premteje në Durrës. Burime nga policia për gijotina.com bëjnë me dije se ngjarja ka ndodhur rreth orës 19:50., në lagjen Nr. 4 Durrës.
Të njëjtat burime bëjnë me dije se një automjet me drejtues R. Gj., 22 vjeç, ka goditur automjetin me drejtues E. D., 22 vjeç, dhe si pasojë është lënduar pasagjerja e identifikuar me iniciale L. Xh, e cila ndodhet nën kujdesin e mjekëve jashtë rrezikut për jetën.
Paraprakisht dyshohet që shkak të jetë bërë shpejtësia përtej normave të lejuara. Ndërsa theksojmë se policia nuk ka qenë në patrullim, në momentin që ka ndodhur aksidenti, e për pasojë shoferët e mjeteve nuk kanë respektuar sinjalistikat rrugore.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Discussion about this post