Një tjetër aksident i rëndë është shënuar pasditen e sotme në Durrës. Burime nga policia për gijotina.com bëjnë me dije se ngjarja ka ndodhur në aksin rrugor Stacioni i Trenit-Ura e Dajlanit, teksa mjeti tip “Toyota” me shoferin e identifikuar me iniciale S. T., ka përplasur një këmbësor.
I lënduari ndodhet në spital nën kujdesin e mjekëve.
Theksojmë se ky është aksidenti i tretë i shënuar këtë të premte në vend. Paraditen e sotme një 65- vjeçar humbi jetën në Fushë-Krujë pasi u përplas nga një mjet tip “Benz”.
Dyshohet se mjeti luksoz ishte duke udhëtuar me shpejtësi përtej normave.
Sakaq, grupi hetimor po punon për zbardhjen e plotë të shkaqeve të këtij aksidenti.
Discussion about this post