Mëngjesi i kësaj të mërkure ka nisur me një aksident të rëndë rrugor në qytetin e Elbasanit. Burime për gijotina.com bëjnë me dije se ngjarja ka ndodhur gjatë orëve të para të mëngjesit në qendër të qytetit, ku makina është përplasur me një shtyllë.
Si pasojë e përplasjes së fortë janë lënduar tre persona, të cilët ndodhen në spital jashtë rrezikut për jetën.
Policia nuk ka dalë ende me një njoftim zyrtar lidhur me aksidentin dhe paraprakisht nuk bëhen me dije identitetet e shoferit dhe të të lënduarve.
Sakaq theksojmë se ky fillim muaji ka shënuar sërish një numër të konsiderueshëm aksidentesh rrugore.
