Një tjetër aksident i rëndë është shënuar pasditen e sotme në Fier. Burime nga policia bëjnë me dije se ngjarja ka ndodhur rreth orës 16:00, në aksin rrugor Fier-Ballsh, në vendin e quajtur “Ofiçina e vjetër”.
Të njëjtat burime bëjnë me dije se, shoferi i identifikuar me iniciale A. S., 44 vjeç, duke drejtuar automjetin tip “Benz”, është përplasur me automjetin tip “Benz” me shoferin e identifikuar R. B., 59 vjeç.
Për pasojë janë dëmtuar lehtë tre pasagjerët që udhëtonin me A. S., si edhe vet drejtuesi i mjetit, A. S., të cilët ndodhen në spital nën kujdesin e mjekëve, jashtë rrezikut për jetën.
Paraprakisht dyshohet se shkak i aksidentit është bërë mosrespektimi i sinjalistikave rrugore, manovrat e shpejtësisë dhe parakalimet e gabuara.
Grupi hetimor po punon për zbardhjen e shkakut të aksidentit.
Discussion about this post