Humb jetën 16-vjeçari në aksidentin tek Gjiri i Lalzit, plagoset rëndë një tjetër (Emrat)

Një aksident i rëndë rrugor ka ndodhur pasditen e sotme në Hamallaj në Gjirin e Lalzit. Në aksident janë përfshirë dy automjete, të cilat janë përplasur me njëra-tjetrën.

Në aksident janë përfshirë dy automjete, ku si pasojë e përplasjes ka humbur jetën një djalë rreth 16-vjeç, i identifikuar si Alban Hasrama.

Po ashtu, i plagosur rëndë ka mbetur edhe Eriseld Kamberi, 20-vjeçar.

“Rreth orës 15:40, në Hamallaj Durrës, automjeti me drejtues shtetasin O. M., 25 vjeç, është përplasur me automjetin me drejtues shtetasin E. K., 20 vjeç. Si pasojë e përplasjes është dëmtuar shtetasi E.K, i cili ndodhet nën kujdesin e mjekëve dhe ka humbur jetën në spital pasagjeri shtetasi A. H., 16 vjeç, që ndodhej në automjetin që drejtonte shtetasi E. K.“-njofton policia.

Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.

gijotina.com/