Një aksident i rëndë ka ndodhur ditën e sotme në Selenicë të Vlorës dhe si pasoj ka humbur jetën një turist anglez. Ngjarja e rëndë ndodhi sot rreth orës 14:50, në fshatin Armen.
Policia bën me dije se duke zhvilluar hiking me motoçikleta, nisur nga Gjirokastra e duke vijuar udhëtimin në fshatin Vllahinë, konkretisht buzë lumit Shushicë, anglezi me inicialet A. R, 49 vjeç, si pasojë e terrenit të vështirë, ka humbur kontrollin mbi motomjetin e tipit “Husqvarna” dhe ka ndërruar jetë.
Grupi hetimor po kryen veprimet e mëtejshme në lidhje me sqarimin e rrethanave të ngjarjes.
