Një tjetër aksident i rëndë është shënuar mëngjesin e kësaj të diele në Korçë. Burime nga policia për gijotina.com bëjnë me dije se ngjarja ka ndodhur rreth orës 04:00, në rrugën e Malit Moravë, Korçë.
Të njëjta burime gjithashtu bëjnë me dije se shoferi i identifikuar me iniciale F. K., rreth 36 vjeç, banues në Korçë, duke drejtuar mjetin tip “Audi”, dyshohet se ka humbur kontrollin e mjetit dhe ka dalë nga rruga. Për pasojë, është plagosur bashkë me pasagjerin Dh. G., rreth 32 vjeç, banues në Korçë, pasagjer në mjet, të cilët ndodhen në Spitalin e Korçës, nën kujdesin e mjekëve.
Paraprakisht dyshohet se shkak i këtij aksidenti është bërë shpejtësia përtej normave të lejuara.
Pritet të zbardhen detaje pas marrjes në pyetje të të plagosurve.
Ndërsa, grupi hetimor po punon për zbardhjen e rrethanave të ngjarjes.
Discussion about this post