Aksident i rëndë në Kosovë, humb jetën 1 person

Një aksident i rëndë ka ndodhur në fshatin Dobrushë të Istogut, si pasojë një person ka mbetur i vdekur, dhe nëntë të tjerë janë lënduar.

Ngjarjen e ka konfirmuar zëdhënës i policisë për Rajonin e Pejës, Fadil Gashi.

Ai është shprehur se aksidenti ka ndodhur mes dy makinave dhe një traktori.

“Një person ka vdekur dhe nëntë të tjerë kanë mbetur të lënduar si pasojë e një aksidenti në Dobrushë të Istogut. Vdekjen e ka konstatuar mjeku në Spitalin Rajonal të Pejës. Në aksident janë përfshirë dy vetura dhe një traktor”, u shpreh ai.

Së fundmi, policia ndodhet në vendin e ngjarjes dhe po merret me zbardhjen e ngjarjes.