Një tjetër aksident i rëndë është shënuar mbrëmjen e sotme në Krujë. Burime nga policia për gijotina.com bëjnë me dije se ngjarja ka ndodhur rreth orës 21:05., në aksin rrugor Krujë-Qafshtamë.
Të njëjtat burime bëjnë me dije se një automjet me shoferin e identifikuar me iniciale H. A., rreth 18 vjeç, ka humbur kontrollin dhe ka dalë nga rruga.
Si pasojë e daljes nga rruga është dëmtuar K. R., rreth 15 vjeç, i cili bashkë me drejtuesin e mjetit ndodhen nën kujdesin e mjekëve, jashtë rrezikut për jetën, ndërsa A. A., rreth 14 vjeç, ndodhet në gjendje të rëndë.
Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post