Një tjetër aksident i rëndë është shënuar para pak minutash në Krujë. Burime nga policia për gijotina.com bëjnë me dije se ngjarja ka ndodhur rreth orës 18:45, në fshatin Luz të Krujës.
Të njëjtat burime bëjnë me dije se automjeti me shoferen e identifikuar si A. D., ka humbur kontrollin dhe është përplasur me një mur rrethues dhe si pasojë është dëmtuar pasagjeri B. D., i cili ndodhet nën kujdesin e mjekëve jashtë rrezikut për jetën.
Paraprakisht dyshohet se shkak i aksidentit është bërë shpejtësia përtej normave të lejuara, sakaq policia nuk ka qenë në patrullim në momentin që ka ndodhur aksidenti i cili përfundoi me një të plagosur.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Discussion about this post