Një 77-vjeçar është përplasur për vdekje nga një makinë këtë pasdite në Krujë.
Aksidenti ka ndodhur rreth orë 18:15 në Nikël, kur një 23-vjeçar që po drejtonte një automjet tip “Audi”, ka aksidentuar këmbësorin. Shtetasi me iniciale S.S., ka ndërruar jetë në vendngjarje si pasojë e plagëve të marra.
Nuk dihet ende rrethanat e aksidentit, ndërkohë që pritet hetim nga grupi i ekspertëve, që kanë mbërritur në vendngjarje.
Krujë/Informacion paraprak
Më datë 19.11.2023, rreth orës 18:15, në Nikël, shtetasi E. K., 23 vjeç, duke drejtuar automjetin tip “Audi”, ka aksidentuar shtetasin S. S., 77 vjeç, banues në Nikël, i cili si pasojë e aksidentit ka ndërruar jetë në vendngjarje.
Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post