Aksident i rëndë në Lezhë, ambulanca del nga rruga

Një aksident i rëndë ka ndodhur në aksin Lezhë-Milot, ku një mjet autoambulancë ka dalë nga rruga duke lënë të plagosur katër persona.

Sipas informacioneve paraprake, mjeti ka dalë nga rruga në afërsi të kryqëzimit të Markatomajve. Raportohet se 4 persona kanë mbetur të plagosur mes tyre edhe personeli mjekësor.

Ambulanca është e spitalit të Rrëshenit. Te dëmtuar kanë mbetur një infermier dhe 3 të moshuar, 2 gra dhe një burrë, njeri ishte i sëmurë dhe po transportohej në spital.

Në vendngjarje ndodhet policia dhe po heton për shkaqet e aksidentit.